احبك اية احبك وخلي الناس تسمعها

احبك .............. ايه احبك


خلي الناس تسمعها....؟؟!!



حبيبي جيت ابشكيلك خذ عمري وريحني

ابحكيلك عن أوضاعي وابيك اليوم تسمعها




أبي من وقتك الغالي ولو لحظه وتسمعني
أنا جيتك بعد ما ضاقت الدنيا من اربعها




جلست البارح ألحالي لإنك ما تكلمني
واشوف اهموم هالعالم تجي عندي واجمعها








حبيبي اعتذر مره وقول ارجوك سامحني
وانا مثلك بعد اسف وهالزعله نضيعها

ترى مالي احد غيرك إذا انت بتخاصمني
تطيح الدمعه من عيني ويجري غصب مدمعها





طلبتك لملم اشواقي كفا البارح تبعثرني

قسم بالله بس تزعل احس الروح اودعها


حرام العمر يسرقنا حبيبي ارجوك تفهمني
تعب صوتي اناديلك ابي روحي ترجعها




دخيل اعيونك الحلوه تبسم لا تجنني
ترى روحي من البارح وهي تنقل مواجعها
زعلت وجيت ابشكيلك بعد عمري تصدقني
كرهت الارض فغيابك من اولها لسابعها




بعد هالعمر والعشره حبيبي ليه تسألني

احبك ؟ ايه احبك.... وخل الناس تسمعها